دەرچەکانی تەزویر لە هەڵبژاردنی ۳۰ی ئەیلولدا

دەرچەکانی تەزویر لە هەڵبژاردنی ۳۰ی ئەیلولدا
کاروان رەسوڵ- بەرێوەبەری نووسین

تەزویر رێگایەکە بۆ کۆکردنەوەی دەنگ و گۆڕینی باڵانسی هێز، لە وڵاتە پێشکەوت و دیموکراتەکانیش رێگە لە ساختەکاری دەنگدان ناگیرێت بەڵام بەپێ رێکارەکان لە وڵاتێکەوە بۆ وڵاتێکی تر گۆڕان بەسەر رێژەکەدا دێت.


دیدی لایەنە نەیارەو ئۆپۆزسیەکان هەرێمی کوردستان لەسەر تەزویر،

 بەدڵنیاییەوە ئەوەناشارنەوە کە لایەنەکانی دەسەڵات تەزویر دەکەن بەڵام لە هەوڵی گرتنەبەری ئەو رێکارانەدان کەکەمترین تەزویر بکرێت، بەپێ  لێدوانی هێزە ناڕازیەکان کە زۆر جار بۆ میدیای ئەدەن دەڵێن شوکرین بۆ هەڵبژاردنی هەرێمی کوردستان پێنج کورسی تەزویر بکەن لایەنی دەسەڵات بەڵام لەم رێژەیە زیاتر کارەساتە دەبێت رێی لێ بگیرێت.

کاریگەری ووڵاتانی دراوسی لەسەر گۆڕینی دەرئەنجامەکان،

 بەدڵنیایەوە دەوڵەتانی دراوسی کاریگەری بەهێزیان هەیە هەندێ جار بە هێزی یەکلایکەرەوە لە قەڵەم ئەدرێن راستەوخۆ یان ناراستەوخۆ لە بەرژەوەندی هاوپۆل و لەلایەکی تریشەوە بۆ فراوان بونی دەسەڵاتیان لە هەرێمدا، هەندێ جار هێزیان ئەو کاتە بەدیدەکرێت کە دابەشکاری پۆستەکان دەکرێت نمونەشمان زۆرە بۆ ئەوبابەتە لای خوێنەر رونە.

دەنگدانی دووبارە یان دروست کردنی بەڵگەنامەکان بۆ کەسانی تر، 

ئەمەش رێگەیەکی تری ساختەکاریە زۆر قورسە رێگە لەم شێوازە بگیرێت کۆمسێونیش لەهەوڵی بنبڕکردنیدایە بەنمونەش دەرکردنی رێکاری وێنەگرتنی دەنگدەرو بەڵگەنامەکەی بەڵام لەدوای دو رۆژ ئەم رێکارە هەڵوەشایەوە، هەندێ جاریش کارمەندانی کۆمسێون هەندێ ووردبینی هەیە لە سەر دەنگدەر بۆیان ناکرێت ناتوانن دڵنیا بن ئەوکەسە هەمان کەسە کەهەڵگری ئەو بەڵگەنامەیەیە یان نا.

ئەو شوێنانەی دەسەڵات هێزی یەکەمە ساختەکاری بێ شوماری تێدادەکرێت،

 لە هەردو زۆنی سەوز یان زەرد کەدەسەڵات بەهێزن دەتوانن رێژیەک ئیمزا بکەن و کارت بکەنە سندوقەکانەوە لەبەرژەوەندی خۆیان، ئەم حاڵەتە هەندی جار ریژەی دەنگی ناوسندوق زیاتربوە لە ریژەی دەنگدەر بۆیە دەنگی ئەو وێستگەیە هەڵوەشاوەتەوە بەڵام لە هەڵبژاردنی ئەم جارە کارتی دەنگدان بەپێ ژمارەی دەنگدەردێت بۆ نمونە وێستگەیەک ٥۰۰ دەنگدەری لێە ٥۰۰ کارتی بۆدێت بەڵام بەهۆی بەشداری کەمی رێژەی دەنگدەرەوە مەترسی لەسەر ئەم شێوازە تەزویرە هەیە.

ناردن بە ئەپڵیکەیشنی وەتس ئاپ،

ئەگەر ئەودەنگەی ئێوارە بە وەتس ئاپ ئەنێردرێت بکرێتە بنەما ئەویش مەترسی هەیە چونکە ئەگەر هەیە هەندێ هێز لەهەوڵی تێکەڵ کردنی هەندی ئەنجامی ترن  لە بەرژەوەندی خۆیان بەهەر شێوازو شێوەیەک بێت بەڵام کۆمسێون هەندێ رێکاری گرتۆتەبەر بۆ دەربازبون لەساختەکاری لەم رێگەیەشەوە ئێتر نازانرێت تاچەند سەرکەوتو ئەبێت.

بەرێکردنی ئەنجامەکان بەرەو پارێزگاکان،

یەکێکی تر لەو مەترسیانە ئەوەیە دوای داخستنی بنکەی دەنگدان و بەرێکردنی سندوقەکانی بەرەوە ئۆفیسی پارێزگاکان و تێکەڵ کردنی سندوقی ئامادەکراو ئەویش لە هەڵبژاردنەکانی پێشوو ئەنجامدراوە، بەڵام وابڕیارە هەمو بەرێوەبەری وێستگەکان و نوینەری قەوارە سیاسیەکان لەگەڵ سندوقەکان بڕۆن تا ئۆفیسی پارێزگاکان لەوێش لە ژێر چاودێری ووردی کامێرادا دەبێت.

مانەوەی سندوقەکان لە ئۆفیسی پارێزگاکان،

 پێش ناردنی فۆڕمی ٥۱ و ٥۲ بۆ ئۆفیسی نیشتیمانی،

ئەویش مەترسیەکی ترە چونکە لەوەیە دیسانەوە کارت بخرێتەوە ناو سندوقەکان و ئەو سندوقانە ناچار بەژماردن بکرێتەوە ئەویش لەبەرژەوەندی هەندێ لایەن.

داخڵ کردنی داتاکان لە ئۆفیسی نیشتیمانی.

مەترسی ئەوەش هەیە لەکاتی داخڵکردنی داتاکان بەبنما وەرگرتنی فۆڕمی ٥۱ و ٥۲ دەستکاری هەندێ دەرئەنجام بکرێت، بە وتەی کۆمسێون ئامادەکاری کراوە لەرێگەی چەند تیم و نوینەری قەوارەسیاسیەکانەوا داتاکان داخڵ بکرێت.

راگەیاندنی دەرئەنجامەکان،

زۆر کات مەترسی ئەوە هیە دەرئەنجامی هەڵە رابگەیەندریت لەو کاتەدا هەندی دەرئەنجام هەڵەبن ئەوەش لەهەندی ووڵاتی شەرقی ئەم کارە کراوە هەندێ جار تێدەپەڕێت و هەندی جاریش دەگەرێنەوە بۆ ووردبینی کردنی دەرئەنجامەکان ئەمش وادەکات جارێکی تر لەووردبینی کردندا ساختەکاری بکرێت.

لای هەموان رونە هەڵبژاردنی پەرلەمانی کوردستان لە ۳۰ ی ئەیلولی ۲۰۱٨ دا ئەنجام دەدرێت و یەک لایی کەرەوە دەبێت بۆ لایەنی دەسەڵات و نارازیەکان و هەردولاشایان مەترسی کەمکردن ولەلایەک دڵخۆشی زیاتکردنی کورسیان هەیە، ئەم خولەی پەرلەمانیش ۷۷٤ بەربژێرکێبڕکێ دەکەن بۆ بەدەست هێنانی ۱۱۱ کورسی پەرلەمان.


PM:12:33:28/09/2018




ئه‌م بابه‌ته 5249 جار خوێنراوه‌ته‌وه‌‌