ژنێک کوژرا

ژنێک کوژرا
مه‌وداپرێس-

بەپێی هەواڵیکی رێكخراوی مافی مرۆڤی هەنگاو، شەوی شەممەی هەفتەی رابردوو 2ی مارسی 2019  ژنێکی لاو بە ناوی  "مەهناز هوژبەری" لە ئاوای جوجەهی سەربە ناوچەی سۆما و برادۆستی ئورمیە بە دەستی هاوسه‌ره‌که‌ی کوژرا.

په‌یامنێری هەنگاو لە ئورمیە رایگەیاند "مەهناز هوژبەری"  کە دایکی کچێک بووە لە لایەن هاوسه‌ره‌که‌یه‌وه‌ بە ناوی "بەهادۆر . ک" بە شێوەیەکی درندانە بە چەقۆ کوژراوە.

ئەو سەرچاوە رایگەیاند بنەماڵەی مەهناز و بنەماڵەی هاوژینەکەی هیچ کاردانەوەیەکیان بە نیسبەت ئەو کوژرانە نەبووە و تەنانەت پرسە و سەرەخۆشیشیان بۆ دانەناوە.

بە پشت بەستن بە ئاماری تۆمار کراو لە ناوەندی ئاماری رێكخراوی مافی مرۆڤی هەنگاو، لە سەرەتای ساڵی 2019 وە لانیکەم ٧ ژن لەلایەن کەسوکارەکەیانەوە کوژراون وبه‌بیانوی ناموسه‌وە.



PM:03:01:14/03/2019




ئه‌م بابه‌ته 309 جار خوێنراوه‌ته‌وه‌‌