توندوتیژیه‌کانی دژ به‌ ژنان بەردەوامی هەیە

توندوتیژیه‌کانی دژ به‌ ژنان بەردەوامی هەیە
مەوداپرێس-سازگار ئەحمەد 

بەڕێوبەری پێشووی بەڕێوبەرایەتی بەرەنگاربونەوەی توندوتیژی دژبەئافرەتان لە گەرمیان رایگەیاند نەپارێزراوترین بەش کەبەشێوەیەکی بەردەوام دووچاری کێشەی کۆمەڵایەتی دەبنەوە رەگەزی مێیینەیە ئاماژەی بەوەشکرد لە ساڵی 2018 دا نزیکەی 49 ژن کوژراون لە هەرێمی کوردستان.

عەمیدی مافپەروەر لەمیعە محەمەد بەڕێوبەری پێشووی بەڕێوبەرایەتی بەرەنگاربونەوەی توندوتیژی دژبەئافرەتان لە گەرمیان تایبەت بە مەوداپرێس رایگەیاند: نەپارێزراوترین بەش کەبەشێوەیەکی بەردەوام دووچاری کێشەی کۆمەڵایەتی دەبنەوە رەگەزی مێیینەیە کە دووچاری چەندین جۆری توندوتیژی دەبنەوە بە کوشتن لەسەر نامووس،توندوتیژی خێزانی،دەستدرێژی سێکسی.

لەمیعە محەمەد وتیشی: لەکاتێکدا تاوانەکانی کوشتنی ژنان لەژێر پاساوی پاراستنی شەرەفی خێزان و پاکردنەوەی شەرەف دەرهاوێشتە و بیروبۆچونی کۆمەڵایەتی هەڵەن لەکۆمەڵگا و هەوڵێکی نەزۆکانەیە بۆگەڕانەوەی شکۆمەندی خێزان وبەستنەوەی شکۆی خێزانێک بە رەگەزی مێینە.

ناوبراو وتیشی: ساڵی 2018 دا نزیکەی 49 ژن کوژراون لەهەرێمی کوردستان و وە ژن کوشتنیش بەردەوامی هەیە، ئەنجامدانی ئەم تاوانە پێشێلکاری گرنگترین پرنسیبەکانی مافی مرۆڤە دژ بە مافی ژیان ودژبە پرنسیبەکانی دەستور و یەکسانی لەبەردەم یاسا وسەروەری یاسا وئەم تاوانە بەپێچەوانەی شارستانیەت و ئازادییەکانە وە چڕکردنەوەی بیروبۆچونە کان وبەهاکانی مرۆڤە.


PM:09:37:03/04/2019




ئه‌م بابه‌ته 356 جار خوێنراوه‌ته‌وه‌‌