گه‌نده‌ڵی پارێزگاکانی هه‌رێمی کوردستان ئاشکرا کران

گه‌نده‌ڵی پارێزگاکانی هه‌رێمی کوردستان ئاشکرا کران
مه‌وداپرێس-

دەستەی دەسپاكی ھەرێمی كوردستان بڕی ئەو پارەیە ئاشكرا دەكات كە لە كەیسەكانی گەندەڵی ساڵی 2018 بۆ حكوومەتی ھەرێمی كوردستانیان گەڕاندوەتەوە، بەجۆرێك بەھەر سێ پارێزگای ھەولێر و سلێمانی و دھۆك دەستەی دەستپاكی توانیویەتی نزیكەی 40 ملیار دینار بۆ خەزێنەی حكوومەت بگەڕێنێتەوە.

سەرخیڵ ھاشم، بەرێوەبەری راگەیاندنی دەستەی دەستپاكی ھەرێمی كوردستان لە كۆنگرەیەكی رۆژنامەنوسیندا رایگەیاند "لە پارێزگای ھەولێر بەھای گەندەڵی بە 274 ملیار و 842 ملیۆن و 885 ھەزار و 200 دینار خەملێندراوە، ھەروەھا بڕی پارەی گەڕێندراوە لە كەیسەكانی گەندەڵی بریتیە لە 3 ملیار دینار مانگانە و 36 ملیار دیناری ساڵانە".

وتیشی: "بەھای گەندەڵی لە سلێمانی بە 22 ملیار و 735 ملیۆن و 401 ھەزار و 94 دینار خەملێندراوە. بڕی پارەی دەستبەسەردا گیراو لەو پارێزگایە بریتییە لە 17 ملیۆن و 45 ھەزار دینار، بەھای پارەی گەڕێندراوە لە سلێمانی 2 ملیار و 381 ملیۆن و 82 ھەزار و 500 دینار".

سەرخیڵ ھاشم وتی: "بەھای گەندەڵی لە دھۆك بریتییە لە 8 ملیۆن و 551 ھەزار دینار".


PM:07:44:15/04/2019




ئه‌م بابه‌ته 1200 جار خوێنراوه‌ته‌وه‌‌