چیرۆکی ئه‌و کاپتن و ڕاهێنه‌ره‌ی ئینته‌ر میلان که‌ له‌ شه‌ڕی جیهانیی یه‌که‌مدا کوژرا

چیرۆکی ئه‌و کاپتن و ڕاهێنه‌ره‌ی ئینته‌ر میلان که‌ له‌ شه‌ڕی جیهانیی یه‌که‌مدا کوژرا

مەوداپرێس_ کامەران پاڵانی

ڤێرجیلیۆ فۆساتی، ئه‌ستێره‌ی یانه‌ی ئینته‌ر میلان و هه‌ڵبژارده‌ی ئیتاڵیا، له‌ ساڵی 1889 له‌دایک بووه‌، له‌ ساڵی 1910 سه‌رکردایه‌تی ئینته‌ر میلانی کرد بۆ به‌ده‌ست هێنانی یه‌که‌مین ناسناوی خولی ئیتاڵی له‌ مێژوویدا، ئه‌مه‌یش 2 ساڵ پاش دامه‌زراندنی یانه‌ ڕه‌ش و شینه‌که‌ی شاری میلانۆ.

فۆساتی ته‌نها کاپتن نه‌بووه‌، به‌ڵکو یه‌که‌م ڕاهێنه‌ری ئینته‌ر میلانه‌ له‌ مێژوویدا، شه‌ڕی جیهانیی یه‌که‌م له‌ ساڵی 1914 ده‌ستی پێ کرد، له‌و شه‌ڕه‌دا وڵاتی ئیتاڵیا هاوپه‌یمانی وڵاتانی (فه‌ره‌نسا و به‌ریتانیا و روسیا) بوو له‌ دژی وڵاتی ئه‌ڵمانیا، له‌گه‌ڵ زۆربوونی ژماره‌ی کوژراوه‌کان، وڵاتی ئیتاڵیا بانگهێشتی گه‌نجانی کرد بۆ به‌شداری کردن له‌و شه‌ڕه‌دا، ڤێرجیلیۆ یه‌کێک بوو له‌و گه‌نجانه‌ی که‌ بانگهێشتی ڕیزی سوپای ئیتاڵیا له‌ ساڵی 1916 کرا.

فۆساتی به‌هۆی که‌سایه‌تی سه‌رکرده‌ییه‌وه‌ زۆر به‌خێرا له‌ ڕیزی سوپا پله‌که‌ی به‌رزکرایه‌وه‌ بۆ زابتی به‌رپرسیار، به‌ڵام له‌ ساڵی 1918 له‌ یه‌کێک له‌ جه‌نگه‌کان له‌ دژی سوپای نه‌مسا به‌دیل گیرا و پاشان کوژرا.

ڤێرجیلیۆ فۆساتی 97 یاری بۆ یانه‌ی ئینته‌ر میلان ئه‌نجامدا و 4 گۆڵی تۆمار کرد، هه‌روه‌ها له‌ کۆی 12 یاری بۆ هه‌ڵبژارده‌ی ئیتاڵیا توانی 1 گۆڵ تۆمار بکات




PM:07:36:14/05/2019




ئه‌م بابه‌ته 632 جار خوێنراوه‌ته‌وه‌‌