بەهۆی کێشەی کۆمەڵایەتیەوە کەسێک کوژرا

بەهۆی کێشەی کۆمەڵایەتیەوە کەسێک کوژرا
مەداپرێس-سازگار ئەحمەد

به‌هۆی كێشه‌ی كۆمه‌ڵایه‌تیه‌وه‌ له‌ سنوری شارۆچكه‌ی خورماتوو هاوڵاتیه‌ك به‌ر ده‌ستڕێژی گوله‌ كوژرا.

عەمید حوسین عەلی، بەڕێوبەری پۆلیسی خورماتوو بە مەوداپرێسی راگەیاند: ئەمڕۆ 15ی ئایاری 2019 له‌ سه‌ر رێگای گشتی كه‌ركوك ـ به‌غدا، له‌ كارگه‌كانی بلۆكی سنوری شاره‌دێی سلمان به‌گی سه‌ر به‌ شارۆچكه‌ی خورماتووی سه‌ر به‌ پارێزگای سه‌ڵاحه‌دین پیاوێک به‌ ده‌ستڕێژی گوله‌ کوژرا.

عه‌مید حوسێن عه‌لی ئاماژەی بەوەکرد: دوو چه‌كداری ده‌مامكدار ماتۆڕسكیلیان پێ بووه‌، چونه‌ته‌ ناو كارگه‌كه‌ و پیاوه‌كه‌یان كوشتووه‌ و هه‌ڵهاتوون.

به‌ڕێوه‌به‌ری پۆلیسی خورماتوو روونیشکردەوە: لێکۆڵینەوە لە رووداوەکە دەستی پێکردووە و خانه‌واده‌ی كوژراوه‌كەش سكالایان له‌سه‌ر سێ كه‌س تۆماركردووه‌ و بەوتەی کەسوکارەکەی كێشه‌ی كۆمه‌ڵایه‌تیان هه‌یه‌.

که‌سه‌ کوژراوه‌که‌ ناوی "نه‌جات محه‌مه‌د ره‌شید" له‌ دایك بووی ساڵی1969.




PM:05:26:15/05/2019




ئه‌م بابه‌ته 1728 جار خوێنراوه‌ته‌وه‌‌