میلیشیایەك بەرپرسیاریەتی خۆیان لەهێرش كردنە سەر باڵیۆزختنەی بەحرەین راگەیاند

میلیشیایەك بەرپرسیاریەتی خۆیان لەهێرش كردنە  سەر باڵیۆزختنەی بەحرەین راگەیاند
مەوداپرێس-


میلیشیایەكی حەشدی شەعبی بەرپرسیارێتیی خۆی لە هێرشكردنە سەر باڵیۆزخانەی بەحرێن لە بەغدا، راگەیاند.

ئەمڕۆ شەممە 29-6-2019، جەعفەر حوسێنی، گوتەبێژی میلیشیای حزبوڵڵای عێراقی بە ماڵپەڕی (RT)ـی رووسی راگەیاندووە، كە هێرشكردنە سەر باڵیۆزخانەی بەحرێن كارێكی ئاسایی بوو، چونكە ئەو وڵاتە خیانەتی لە قودس كردووە.

  حوسێنی ئاماژەی بەوەشكردووە"  زۆرینەی ئەو كەسانەی بەشداریی خۆپیشاندانەكەیان كردووە سەر بە میلیشیای حزبوڵڵای عێراقین، كە بە ئاگاداریی میلیشیاكەیان بەشدارییان كردووە و هێرشیان كردووەتە سەر باڵیۆزخانەی بەحرێن لە بەغدا.

ئێوارەی رۆژی پێنجشەممە 27-6-2019، نزیكەی 200 كەس لەبەردەم باڵیۆزخانەی بەحرێن لە بەغدا خۆپیشاندانێكیان ساز كرد و دوای سووتاندنی ئاڵای ئیسرائیل لەبەردەم باڵیۆزخانەكە، هێرشیان كردە سەر بینای باڵیۆزخانە.



PM:02:19:29/06/2019