حه‌وت یاریزانی به‌رشه‌لۆنه‌ ماڵئاوایی ده‌که‌ن

حه‌وت یاریزانی به‌رشه‌لۆنه‌ ماڵئاوایی ده‌که‌ن
مه‌وداپرێس-سه‌باح خدر 

ڤالڤیردی ڕاهێنه‌ری یانه‌ی به‌رشه‌لۆنه‌ی ئیسپانی داوای ڕۆشتنی حه‌وت یاریزانی یانه‌که‌ی ده‌کات له‌ میرکاتۆی گواستنه‌وه‌ی یاریزاناندا.

رۆژنامه‌ی سپۆرتی ئیسپانی ئه‌وه‌ی ئاشکراکردوه‌ : ئه‌و یاریزانانه‌ی که‌ ڤالڤیردی ده‌یه‌وێت ده‌سته‌به‌رداریان ببێت بریتین له‌مانه‌ ( رافینیا ، مالکوم ، تودیبو ، دیمبلی ، کوتینیو ، راکیتج ، سمیدو )

هه‌مان ڕۆژنامه‌ ئه‌وه‌شی خستۆته‌ ڕوو : که‌ یانه‌ی ڤالنسیا گرنگیه‌کی ته‌واو به‌ یاریزان ڕافینیا ده‌دات و ده‌یه‌وێت له‌چه‌ند ڕۆژی داهاتوو ئه‌و یاریزانه‌ په‌لکێش بکات .

لایه‌کی تریشه‌وه‌ باس له‌وه‌ش ده‌کات که‌ یانه‌کانی ئیڤه‌رتون و ئارسناڵ کێبڕکێ له‌سه‌ر به‌ده‌ستهێنانی تواناکانی مالکوم ده‌که‌ن .

رۆژنامه‌که‌ ئه‌وه‌شی بڵاوکردۆته‌وه‌ : که‌ یانه‌ی بایرن میونشنیش ئاره‌زووی گواستنه‌وه‌ی عوسمان دیمبلی پیشانداوه‌هه‌رچه‌نده‌ ئه‌و یاریزانه‌ ئاره‌زوو ده‌کات له‌ یانه‌ی به‌رشه‌لۆنه‌ درێژه‌ به‌یاری کردن بدات .



PM:01:37:11/07/2019