لەماوەی شەش مانگدا نۆ گەنجی كورد لەوڵاتی سوید كوژراون

لەماوەی شەش مانگدا نۆ گەنجی كورد لەوڵاتی سوید كوژراون
مەوداپرێس-


دەزگای لوتكە بۆ كاروباری ئاوارە و پەنابەرانی هەرێمی كوردستان ئاشكرای كرد تەنها لە ماوەی شەش مانگی سەرەتای ئەمساڵدا، لە شاری ستۆكهۆلمی پایتەختی سوید نۆ گەنجی كورد كوژراون. ئەمەش لە كاتێكدایە ئەو شارە بە ئارامترینەكانی جیهان هەژمار دەكرێت.


لە ڕاگەیەندراوێكدا دەزگای لوتكە بۆ كاروباری ئاوارە و پەنابەران كە ئەمڕۆ پێنجشەممە بڵاوی كردووەتەوە تێیدا هاتووە" بەپێی زانیارییەكانیان، كە پشتیان بە ئامارێكی پۆلیسی سوید بەستووە، ئەمساڵ لە ستۆكهۆڵمی پایتەختی وڵاتی سوید نۆ كەیسی كوشتنی گەنجانی كورد تۆمار كراوە".


ڕاگەیاندراوەكە ئاماژەی بەوەشكردووە" بەدەر لە كوشتنی گەنجە بیانییەكان لە وڵاتی سوید لە هەندێك وڵاتی دراوسێی ئەو وڵاتەش، كوشتنی گەنجە پەنابەرەكان بەرەو زیادبوون دەچن.

دەزگای لوتكە باسی ئەوەشی كردووە كە زۆربەی حاڵەتەكانی گیانلەدەستدانی ئەو پەنابەرانە جێگەی گومانن، بۆیە بەدواداچوون و لێكۆڵینەوەیان بۆ ئەنجام دەدەن.



PM:05:53:11/07/2019




ئه‌م بابه‌ته 360 جار خوێنراوه‌ته‌وه‌‌