داعش سەربازگەی نهێنی بۆمەشق و راهێنانی ژنان دەكاتەوە

داعش سەربازگەی نهێنی بۆمەشق و راهێنانی ژنان دەكاتەوە
مەوداپرێس-


سەرۆكی شانەی هەڵۆی هەواڵگریی سەر بە وەزارەتی ناوخۆی عێراق دەڵێت  "رێكخراوی داعش بەكارهێنانی ژنانی راهێنراو و خاوەن هزری توندڕەوی لە كردەوە تیرۆریستییەكانیدا فراوانتر كردووە و ژنەكانیش لە پیاوان توندڕەوترن".

عەلی بەسری، سەرۆكی شانەی هەڵۆی هەواڵگریی سەر بە وەزارەتی ناوخۆی عێراق بە رۆژنامەی فەرمی (الصباح) ی راگەیاندووە   "بەڵگەنامەی تایبەتیان دەستكەوتووە كە داعش سەربازگەی نهێنی بۆ مەشق و راهێنانی ژنان لە ناوچە دوورە دەستەكانی سووریا كردووەتەوە ".

بەسری ئاماژەی بەوەشكردووە  "ئەو هەنگاوەی داعش بەهۆی كەمبوونەوەی ژمارەی چەكداران و لایەنگران و كوژرانی زۆربەیان لە شەڕەكاندا، تەنانەت ژمارەیەكی زۆری یاریدەدەرەكانی ئەبوبەكر بەغدادی رێبەری داعش زیاتر بووە، بەشێكی زۆری ئەو كەسانەش بەهۆی بۆمبباران و هەڵمەتی شانەی هەڵۆی هەواڵگریی عێراق و ئۆپراسیۆنە سەربازییەكان لە رابردوودا كوژراون".



AM:09:52:04/08/2019