شنایده‌ر ماڵئاوایی کرد

شنایده‌ر ماڵئاوایی کرد
مه‌وداپرێس-سه‌باح خدر 

به‌شێوه‌یه‌کی فه‌ڕمی ویسلی شنایده‌ری هۆڵه‌ندی وازهێنانی خۆی له‌ یاری تۆپی پێ ڕاگه‌یاند.

شنایده‌ر هه‌رچه‌نده‌ هۆکاره‌که‌ی به‌ ته‌واوی ئاشکرا نه‌کردوه‌ ، به‌ڵام ده‌ڵێت به‌هۆی کێشه‌ی که‌سیه‌وه‌یه‌ بۆیه‌ ناتوانم به‌رده‌وام له‌ یاری کردن .

شنایده‌ری ته‌مه‌ن 35 ساڵ که‌ ئێستا له‌یانه‌ی غه‌ڕافه‌ی قه‌ته‌ری یاری ده‌کات خاوه‌نی چه‌ندین نازناو و ده‌سکه‌وتی گه‌وره‌یه‌ له‌ ژیانی وه‌رزشی خۆیدا.

ڕۆژنامه‌کانی هۆڵه‌نداش هۆکاری وازهێنای شنایده‌ر بۆ ئه‌وه‌ ده‌گێڕنه‌وه‌ که‌ ئه‌و یاریزانه‌ ده‌یه‌وێت به‌شداری له‌ خولێکی ڕاهێناندا بکات بۆ ئه‌وه‌ی بتوانێت بڕوانامه‌ له‌و بواره‌دا به‌ده‌ست بهێنێت تا له‌ داهاتوودا کاری ڕاهێنه‌رایه‌تی بکات.

شنایده‌ر یاری بۆ یانه‌کانی ئه‌یاکس ، ڕیاڵ مه‌درید ، ئه‌نته‌رمیلان ، گه‌ڵه‌ته‌سه‌رای ، نیس ، غه‌ڕافه‌ کردوه‌.


 



PM:08:10:12/08/2019