میسی داوایه‌کی به‌په‌له‌ له‌ نیمار ده‌کات

میسی داوایه‌کی به‌په‌له‌ له‌ نیمار ده‌کات
مه‌وداپرێس-سه‌باح خدر 

لیونیل میسی ئه‌رژه‌نتینی و یاریزانی یانه‌ی به‌رشه‌لۆنه‌ داوایه‌کی به‌په‌له‌ له‌ نیماری به‌رازیلی و یاریزانی یانه‌ی پاریس سانجێرمانی فه‌ڕه‌نسی ده‌کات.

میسی داوای ئه‌وه‌ له‌ نیمار ده‌کات که‌ په‌یوه‌ندی به‌ یانه‌ی ریاڵ مه‌دریده‌وه‌ نه‌کات و به‌ڵکو بگه‌ڕێته‌وه‌ بۆ یانه‌ی به‌رشه‌لۆنه‌.

تا دێت ده‌نگۆی ڕۆشتنی نیماری به‌رازیلی بۆ یانه‌ی ڕیاڵ مه‌درید ڕوو له‌ زیادبوون ده‌کات ئه‌مه‌ش به‌هۆی ئه‌وه‌ی که‌ یانه‌ی به‌رشه‌لۆنه‌ به‌شێوه‌یه‌کی فه‌ڕمی ناچنه‌ پێشه‌وه‌ بۆ گرێبه‌ست کردن له‌گه‌ڵی.

له‌ هه‌مان کاتدا میسی ده‌زانێت که‌ نیمار به‌ نیازه‌ په‌یوه‌ندی به‌ ڕیاڵ مه‌دریده‌وه‌ بکات بۆیه‌ داوا له‌و یاریزانه‌ به‌رازیلیه‌ ده‌کات که‌ ئه‌و کاره‌ نه‌کات.

ئه‌مه‌ش له‌ کاتێکدا که‌ له‌ چه‌ند ڕۆژی رابردودا نیمار داوای له‌ میسی کردبوو که‌ پشتگیری بۆ کۆبکاته‌وه‌ له‌ ناو ئیداره‌ی یانه‌که‌ تا بتوانێت جارێکی تر درێسی ئه‌و یانه‌یه‌ بپۆشێته‌وه‌.

نیمار و میسی په‌یوه‌ندیه‌کی توند و تۆڵی زۆر باشیان هه‌یه‌ به‌یه‌که‌وه‌و هه‌ریه‌که‌یان ده‌توانن کاریگه‌ری له‌سه‌ر یه‌کتر دروست بکه‌ن له‌ پرسه‌ گرنگه‌کاندا. 



AM:09:50:13/08/2019