به‌ره‌و ئه‌فریقا..
ئامانجی داعش له‌ گواستنه‌وه‌ی خه‌لافه‌ته‌كه‌ی

به‌ره‌و ئه‌فریقا..<br>
ئامانجی داعش له‌ گواستنه‌وه‌ی خه‌لافه‌ته‌كه‌ی
مه‌وداپرێس ـ 

هاوكات له‌گه‌ڵ به‌رده‌وامی‌ جوڵه‌ی داعش له‌هه‌ریه‌ك له‌ عیراق و سوریا، میدیای ناوچه‌كه‌ هه‌واڵی گواستنه‌وه‌ی خه‌لافه‌تی داعش بۆ كیشوه‌ری ئه‌فریقای بڵاوكرده‌وه‌، وه‌ك هه‌وڵێك بۆ قه‌ره‌بووكردنه‌وه‌ی شكسته‌كانی له‌ عیراق و سوریا.

عومرو فاروق توێژه‌ر له‌ كاروباری بزووتنه‌وه‌ تیرۆرستیه‌كان بۆ میدیای رووسیی ده‌ڵێت: داعش به‌ هێزه‌وه‌ هه‌وڵده‌دات له‌م قۆناغه‌دا روو له‌ ئه‌فریقا بكات، وه‌ك هه‌وڵێك بۆ هه‌ڵبژاردنی بنكه‌ و باره‌گای‌ به‌دیل و رێڕه‌وی ئارام.

فاروق بۆ سایتی ئاڕ تی رووسیی وتی: چه‌ند هۆكارێك هه‌ن بۆ ئه‌وه‌ی كه‌ وایكردووه‌ داعش به‌ره‌و بیابانه‌كانی‌ ئه‌فریقا و وڵاته‌كانی‌ سه‌ر به‌و كیشوه‌ره‌ په‌لبهاوێژێت، كه‌ بریتین له‌:

یه‌كه‌م: سودوه‌رگرتن له‌ له‌ گروچه‌ چه‌كداره‌ میلیشیاییه‌كان كه‌ له‌ناو وڵاتانی ئه‌فریقادا كۆبوونه‌ته‌وه‌ له‌ خۆرئاوا و ناوه‌راست و خۆرهه‌ڵاتیدا، وه‌كو بۆكۆ حه‌رام، بزووتنه‌وه‌ی‌ لاوانی‌ موجاهید، كۆمه‌ڵی ته‌وحید و جیهاد له‌ خۆرئاوای‌ ئه‌فریقا، كۆمه‌ڵی ئه‌بو وه‌لید سه‌حراوی و چه‌ندین بزووتنه‌وه‌ی تری توندڕه‌و. 

دووه‌م: سود وه‌رگرتن له‌ سروشتی جوگرافی وڵاتانی ئه‌فریقا به‌تایبه‌ت ناوچه‌ شاخاویی و بیابانیه‌كان، كه‌ ده‌كرێت وه‌ك په‌ناگه‌یه‌كی ئارام بن بۆ داعش و بواری راهێنانی سه‌ربازیی چه‌كداره‌كان به‌ داعش بدات.

سێیه‌م: داعش ده‌یه‌وێت له‌ ئه‌فریقاوه‌ بدات له‌ به‌رژه‌وه‌ندییه‌كانی‌ ئه‌مریكا و خۆرئاوا له‌ناو وڵاتانی ئه‌فریقادا، به‌ ئامانجی قه‌ره‌بووكردنه‌وه‌ی زیان و شكسته‌كانی‌ له‌ عیراق و سوریا. 

چواره‌م: داعش ده‌یه‌وێت له‌ وڵاتانی ئه‌فریقاوه‌ چه‌ند هێرشێك بكات بۆ ئه‌وه‌ی ده‌نگدانه‌وه‌ی میدیایی هه‌بێت به‌مه‌به‌ستی ده‌ركه‌وتن و خۆنمایشكردن، به‌مه‌به‌ستی په‌یام ناردن بۆ لایه‌نگرانی و رای گشتیی نێوده‌وڵه‌تیی به‌وه‌ی كه‌ داعش هێشتا به‌هێز و به‌توانایه‌ بۆ مانه‌وه‌ له‌ ناوچه‌ جوگرافیه‌ سیاسییه‌ فراوانه‌كاندا، هه‌روه‌ها تا رایبگه‌یه‌نێت كه‌ توانای‌ رووبه‌ڕووبوونه‌وه‌ی چه‌كداریی و وه‌ستانه‌وه‌ی هه‌یه‌ به‌رامبه‌ر به‌ هاوپه‌یمانی سه‌ربازیی نێوده‌وڵه‌تیی كه‌ بۆ له‌ناوبردنی داعش پێكهێنراوه‌ و كار ده‌كات بۆ ریشه‌كێشكردنی. 

پێنجه‌م: داعش كار له‌سه‌ر ستراتیژیه‌تی مانه‌وه‌ به‌نازناوی (منداڵانی ئه‌فریقا) ده‌كات، بۆ جێكردنه‌وه‌یان له‌ناو ریزه‌كانی‌ داعشدا، هه‌روه‌ها بۆ ئه‌وه‌ی سود له‌و سروشته‌ ره‌قه‌ وه‌ربگرێت كه‌ منداڵانی ئه‌فریقای له‌سه‌ر په‌روه‌رده‌ كراوه‌ له‌ناو شه‌ڕ و گروپی چه‌كداریدا و بۆ ئه‌وه‌ی فكره‌ی داعشیان تێدا بڵاوبكاته‌وه‌، ئه‌وه‌ش جۆرێكه‌ له‌ چڕبوونه‌وه‌ی درێژخایه‌ن له‌و كیشوه‌ره‌دا به‌ئامانجی پێكهێنانی نه‌وه‌ی نوێ كه‌ هه‌ڵگری جیناتی داعش و ئامانجه‌ ته‌كفیریه‌كه‌ی بن له‌ ئه‌فریقا به‌شێوه‌یه‌كی گشتیی. 

شه‌شه‌م: سودوه‌رگرتن له‌ ده‌رامه‌ته‌ ئابوریه‌ گه‌وره‌ و فراوانه‌كان كه‌ له‌به‌رده‌ستی گروپه‌ چه‌كداره‌كاندا كراوه‌یه‌ له‌ ئه‌فریقا، ئه‌وه‌ گرنگه‌ بۆ داعش تا قه‌ره‌بووی زیانه‌ مادیه‌كانی‌ له‌ عیراق و سوریا بكاته‌وه‌. 

حه‌وته‌م: بۆ جێبه‌جێكردنی ستراتیژیی سێ ده‌وڵه‌تیی خۆرهه‌ڵاتی‌ ناوه‌ڕاست بۆ رۆچۆن له‌ ناوچه‌ بیابان و كه‌نارییه‌كانی‌ ئه‌فریقادا به‌ ئامانجی فراوانكردنی ده‌سه‌ڵاته‌كه‌ی و قۆرخكردنی خێروبێره‌كه‌ی، به‌تایبه‌ت یۆرانیۆم، كه‌ ئێران له‌ مه‌قدیشۆ ده‌ستی به‌سه‌ردا گرتووه‌، هه‌روه‌ها ئاڵتون و ئه‌ڵماس و بیره‌ نه‌وته‌كان و غازی سروشتی و ده‌رامه‌ته‌ سروشتیه‌كان كه‌ به‌شێوه‌ی راسته‌وخۆ بۆ ئه‌و قه‌رواره‌ و كۆمپانیایانه‌ ده‌گوازرێنه‌وه‌ كه‌ لایه‌نگری وڵاتانی سه‌رچاوه‌ی وزه‌كانن. 

هه‌شته‌م: داعش ده‌چێته‌ ئه‌فریقا بۆ كۆنترۆڵكردنی جوڵه‌ و بازرگانی چه‌ك و ماده‌ هۆشبه‌ره‌كان و رفاندنی بارمته‌كان كه‌ له‌و ناوچانه‌ی سه‌ر به‌ ئه‌فریقادا كرده‌یه‌كی به‌ربڵاوه‌ به‌تایبه‌ت له‌ ناوچه‌ چیایی و بیابانیه‌كاندا، به‌مه‌به‌ستی ده‌ستگرتن به‌سه‌ر ئه‌و مافیایانه‌دا كه‌ پێكهێنه‌رێكی گرنگه‌ له‌ وێستگه‌ی تیرۆری جیهانیداو ئامانجیه‌تی به‌رژه‌وه‌ندییه‌كانی‌ وڵاتانی خۆرئاوا بكاته‌ ئامانج له‌ وڵاتانی سه‌ر به‌كیشوه‌ری ئه‌فریقادا. 



PM:01:26:13/08/2019




ئه‌م بابه‌ته 256 جار خوێنراوه‌ته‌وه‌‌