به‌رشه‌لۆنه‌ به‌ کارێک پاریس سانجێرمان شۆک ده‌کات

به‌رشه‌لۆنه‌ به‌ کارێک پاریس سانجێرمان شۆک ده‌کات
مه‌وداپرێس – سه‌باح خدر 

رۆژنامه‌کانی ئیسپانیا ئه‌وه‌ ئاشکرا ده‌که‌ن که‌ یانه‌ی به‌رشه‌لۆنه‌ به‌ فرۆشتنی کوتینیو به‌ یانه‌ی بایرن میونشن به‌ شێوه‌ی خواستن یانه‌ی پاریس سانجێرمانی فه‌ڕه‌نسی توشی شۆک کردوه‌ .

رۆژنامه‌ی موندۆدیپۆرتیڤۆی ئیسپانی ئه‌وه‌ی ئاشکراکردوه‌ :که‌ ڕۆشتنی کوتینیو بۆ بایرن میونشن گه‌ڕانه‌وه‌ی نیماری بۆ یانه‌ی به‌رشه‌لۆنه‌ قورستر کردوه‌ چونکه‌ ئه‌و یاریزانه‌ له‌ نێو کاری گۆڕینه‌وه‌دا بوو له‌گه‌ڵ نیمار.

هه‌مان ڕۆژنامه‌ ئه‌وه‌شی خستۆته‌ ڕوو :له‌ کۆبونه‌وه‌ی ڕۆژی سێ شه‌ممه‌ی ڕابردوو هه‌ردوو یانه‌که‌ ڕێکه‌وتبوون که‌ که‌ کوتینیو بخرێته‌ نێو گرێبه‌ستی نیماره‌وه‌ ، به‌ڵام به‌لای پاریس سانجێرمانه‌وه‌ شتێکی سه‌یربوو که‌ به‌رشه‌لۆنه‌ کوتینیو به‌ یانه‌ی بایرن میونشی ئه‌ڵمانی دا.

له‌لایه‌کی تریشه‌وه‌ رۆژنامه‌کان باس له‌وه‌ ده‌که‌ن که‌ یانه‌ی به‌رشه‌لۆنه‌ ده‌یه‌وێت به‌ شێوه‌ی خواستن نیمار بگه‌ڕێنێته‌وه‌ بۆ یانه‌که‌ نه‌ک به‌شێوه‌یه‌ی یه‌کجاره‌کی .



AM:11:55:18/08/2019




ئه‌م بابه‌ته 10552 جار خوێنراوه‌ته‌وه‌‌