یۆڤانتوس پێشه‌نگی خولی ئیتاڵی وه‌رگرت

یۆڤانتوس پێشه‌نگی خولی ئیتاڵی وه‌رگرت
مه‌وداپرێس – سه‌باح خدر 

له‌گه‌ڕی حه‌وته‌می خولی ئیتاڵیدا یانه‌ی ئه‌نته‌رمیلان میوانداری یانه‌ی یۆڤانتوسی کرد.

یۆڤانتوس له‌و یارییه‌دا توانی به‌ ئه‌نجامی ( 2 – 1 ) گۆڵ سه‌رکه‌وتن تۆماربکات و سێ خاڵی گرنگ بخاته‌ سه‌رکۆی خاڵه‌کانی.

تایمی یه‌که‌می یارییه‌که‌ به‌یه‌کسان بوون به‌ گۆڵێک بۆ هه‌ردوولا کۆتایهات که‌ دیبالا له‌ خوله‌کی 4 گۆڵه‌که‌ی بۆ خانمه‌ پیره‌که‌ تۆمارکرد و هه‌روه‌ها لاوتارو مارتینیز له‌ خوله‌کی 18 دا به‌ لێدانی سزا گۆڵه‌که‌ی بۆ ئه‌نته‌رمیلان به‌ده‌ستهێنایه‌وه‌.

له‌ تایمی دووه‌مدا خانمه‌ پیره‌که‌ له‌ ڕێگه‌ی هیگواینی ئه‌رژه‌نتینیه‌وه‌ توانی گۆڵی بردنه‌وه‌ و سه‌رکه‌وتن به‌ده‌ست بهێنێت له‌ خوله‌کی 80 دا و به‌و ئه‌نجامه‌ش یۆڤانتوس پێشه‌نگی خولی ئیتاڵی وه‌رگرت و که‌وته‌ پێش ئه‌نترمیلان.

له‌ ئێستادا یۆڤانتوس به‌ کۆکردنه‌وه‌ی 19 خاڵ له‌ پێشه‌نگ دێت و له‌هه‌مان کاتیشدا ئه‌نته‌رمیلان له‌ پله‌ی دووه‌م دێت به‌ کۆکردنه‌وه‌ی 18 خاڵ .



PM:11:56:06/10/2019