ئەردۆغان و ترەمپ پەیوەندییەكی تەلەفۆنیان ئەنجامدا

ئەردۆغان و ترەمپ پەیوەندییەكی تەلەفۆنیان ئەنجامدا
مەوداپرێس-

رەجەب تەیب ئەردۆغانی سەرۆكکۆماری تورکیا و دۆناڵد ترەمپی سەرۆکی ئەمریکا، پەیوەندییەکی تەلەفۆنییان ئەنجامدا و لەسەر دۆخی سوریاش بڕیاریاندا لە مانگی داهاتوودا كۆبوونەوەیەك ئەنجام بدەن.
 
سەرۆکایەتی کۆماری تورکیا  لەراگەیەندراوێكدا رایگەیاندووە، لە میانی پەیوەندییە تەلەفۆنییەکەدا، باس لە پرسەکانی دووقۆڵی و ئاڵوگۆڕی بۆچوون لەبارەی ناوچە ئارام کرا کە بڕیارە لە رۆژھەڵاتی فوڕات دروستبکرێت.

ئاماژە بەوەشدراوە "ھەر لە پەیوندییە تەلەفۆنییەکەدا سەرۆكکۆماری تورکیا، ئاماژەی بەوەدا کە دروستکردنی ناوچەی ئارام مەرجە بۆ لەناوبردنی  هەڕەشەكانی یەپەگە و رەخساندنی مەرجی گونجاو بۆ گەڕانەوەی پەنابەرانی سووری بۆ وڵاتەکەیان".

لەبەشێكی دیكەی راگەیەندراوەكەی سەرۆکایەتی کۆماری تورکیا هاتووە،  ئەردۆغان و ترەمپ بڕیاریاندا مانگی تشرینی دووەمی داھاتوو لە واشنتۆن دیدارێک رێکبخەن.


AM:12:03:07/10/2019