مۆنتی كارلۆ چۆن باسی دوو خۆپیشاندەری كورد دەكات؟

مۆنتی كارلۆ چۆن باسی دوو خۆپیشاندەری كورد دەكات؟
مەوداپرێس-

رادیۆی مۆنتی كارلۆ چیرۆكی دوو دەستگیرانداری كوردی رۆژئاوا باس دەكات كەكۆچبەرن و ماوەی حەوت ساڵە لەئەمریكا دەژین و ماوەی هەشت كاتژمێر لەئۆتۆمبیلدا بوونە بۆ ئەوەی بەشداری خۆپیشاندانێك بكەن دژی هێرشەكانی توركیا بۆسەر رۆژئاوای كوردستان. 

لاڤە ئیبراهیم و میدیای دەستگیرانی پێش حەوت ساڵ لەقامیشلۆوە وەكو دەیان كۆچبەری دیكە روو لەئەمریكا دەكەن، ئەو دوودەستگیراندارە رۆژی 11ی تشرینی یەكەمی 2019  لەماڵەكەیانەوە لەویلایەتی كۆلۆمبۆسەوە تاوەكو بەردەم كۆشكی سپی هەشت كاتژمێر لەنێو ئۆتۆمبیل دەبن تابگەنە ئەو شوێنەی كەخۆپیشاندان دژی هێرشەكانی توركیای تیادا لەرۆژی 12تشرینی یەكەم ئەنجام دەدرێت. 

لەبۆردوومانەكانی فرۆكە جەنگییەكانی توركیا لەچەند رۆژی رابردوو چەند دراوسێیەكی لافە شەهید دەبن لەنێویاندا باپیرە حەفتا ساڵەكەی ئەویشی تێدایە كە شەهدبووە. 

لاڤەی تەمەن 24  دەڵێت،  بەهاوكاری ترامپ توركیا دەمان كوژێت.

 لەخۆپیشاندانەكەدا خۆپیشاندەران چەندین دروشمیان بەكوردی بەرەنگەكانی سور وشین و زەرد دژی بڕیارەكانی ترەمپ نوسیوەتەوە لاڤە لەنێو خۆپیشاندەرانەوە دەڵێت، لەكامێرەكانەوە  جیهان چاوی لەوەیە كەدەمان كوژن ئێمە نامانەوێت بمرین".

هاوكات بافل خۆشناو كەتەمەنی 22 ساڵە و خوێندكاری زانكۆی هاریسونبرجە لەویلایەتی ڤێرجینا و  لەنێوخۆپیشاندەرانەوە دەڵێت، تیرۆرستانی داعشمان تێكشكاند و وامانكرد سنورەكان بەروی ئەوروپا دابخرێت لەچوونی داعش كەچی ئێستا لەبری پشتیوانی دەمان كوژن.

هەروەها جوشوابیلی تەمەن 31 ساڵ كەبەشداری خۆپیشاندانەكە كردووە بەرادیۆی مۆنتی كارلۆی وتووە،  لەساڵی 2017 لەسوریا دەرچووە و بەرەو ئەمریكا هاتووە و دەڵێت، بەبڕیارەكەی ترەمپ لەبارەی كشانەوەی سوپای ئەمریكا لەباكوری سوریا توشی بێ هیوای بووە. 


PM:09:22:13/10/2019






زۆرترین خوێنراو‌
بابەتی پێوه‌ندار ‌