ئەو مامۆستایەی قەمسەڵەی خوێندكارەكەی خستە نێو تەنەكەی خۆڵەوە سزادەدرێت

ئەو مامۆستایەی قەمسەڵەی خوێندكارەكەی خستە نێو تەنەكەی خۆڵەوە سزادەدرێت
مەوداپرێس-

وتەبێژی پەروەردەی سلێمانی جەخت لەوەدەكاتەوە  ئەو مامۆستایەی قەمسەڵەی خوێندكارەكەی خستە تەنەكەی خۆڵەوە سزادەدرێت.

ئەمڕۆ پێنجشەممە 7ی تشرینی دووەمی 2019 مەریوان عومەر، وتەبێژی پەروەردەی سلێمانی بە مەوداپرێس-ی  راگەیاند" دوای بەدواداچون بۆ ئەو گرتە ڤیدیۆییە لیژنەیەك دروستكراوە و رێكاری یاسایی دەگرنەبەر دژی ئەو مامۆستایەی ئەوكارەی كردووە".
وتیشی" ئەو مامۆستایە دەگوازرێتەوە بۆ خوێندنگەیەكی دیكە".


وتەبێژی پەروەردەی سلێمانی رونیشیكردەوە "  مامۆستاكە چەند جارێك خوێندكارەكەی ئاگاداركردوەتەوە كە خشە خش نەكات بە قەمسەڵەكەی، بۆ ئەوەی تەركیزی خوێندكارانی دیكە نەبات، بەڵام خوێندكارەكە هەر بەردەوام بووە لەو كارەی".

باسیلەوەشكرد، دواتر  مامۆستاكە قەمسەڵەكەی  خوێندكارەكەی خستوەتە ناو تەنەكەی خۆڵەوە، كاتێك خوێندكارەكە رۆیشتوەتەوە بۆ ماڵەوە قەمسەڵەكەی پێنەبووە دایكی لێی پرسیوە كوا قەمسەڵەكەت، ئەویش لە وەڵامدا وتویەتی مامۆستا خستویەتییە ناو تەنەكی خۆڵەوە".




PM:03:47:07/11/2019