ئەردۆغان هۆشداری دەداتە هێزەچەکدارەکانی سوریا

ئەردۆغان هۆشداری دەداتە هێزەچەکدارەکانی سوریا
مەوداپرێس

سەرۆککۆماری تورکیا هۆشداری دەداتە ئەو وڵاتانەی سوپایان لە سوریایەو دەڵێت "تا سوپای وڵاتانی دیکە لە سووریادا هەبن، سوپای تورکیاش لەو وڵاتە ناکشێتەوە"

رەجەب تەیب ئەردۆغان سەرۆككۆماری توركیا  لە وتارێکدا ئاشکرایکرد "تورکیا لە هێرشەكانی بۆ سەر باكوری سوریا بەردەوامدەبێت تا ئەوكاتەی كۆتا تاكی هێزە كوردیەكان ناوچەكە بەجێدەهێڵێت".

وتیشی" ئێمە چۆڵی ناکەین پێش ئەوەی دوایین تیرۆریست ناوچەکە بەجێنەهێڵێت، دووەم شت، ئێمە ئەوێ چۆڵ ناکەین پێش ئەوەی وڵاتانی دیکە چۆڵی نەکەن، ئێمە یەکپارچەیی و سەروەری سووریامان بەلاوە مەبەستە و هیچکات نامانەوێت ئەو وڵاتە دابەش بێت".

ئەردۆغان لە پەیامەکەیدا بۆ هێزەچەکدارەکان وتی "ئەگەر وڵاتانی دیکە دەڵێن پارێزگاری لە یەکپارچەیی سووریا دەکەن، ئەوا دەبێت بە کردار ئەوە بسەلمێنن". 


AM:09:52:09/11/2019