كەسایەتییەكی دیاری سلێمانی كۆچی دوایی كرد

كەسایەتییەكی دیاری سلێمانی كۆچی دوایی كرد
مەوداپرێس- 

ئه‌مڕۆ هەینی شێخ عوسمان سیرێ كەسایەتی ئاینی و تەریقەتی نەقشبەندی لەتەمەنی 85 ساڵی كۆچی دوایی كرد.

ناوبراو ناوی ته‌واوی عوسمان عه‌بدولقادر بابه‌شێخه‌ و له‌ نه‌وه‌ی شێخ مسته‌فای قه‌له‌نده‌ره‌ و له‌ ساڵی 1934 له‌ گوندی سیرێی ناوچه‌ی سیوه‌یلی سه‌ر به‌ قه‌زای شارباژێر له‌ دایكبووه‌.

 باوك و باپیرانی خه‌لیفه‌ و موریدی شێخانی بیاره‌ بوون و له‌سه‌ر رێبازی ته‌ریقه‌تی نه‌قشبه‌ندی بوون.

له‌ ته‌مه‌نی 13 ساڵییه‌وه‌ ده‌چێته‌ بیاره‌ و ده‌ستده‌كات به‌ خوێندنی ئاین و پاشان له‌ سه‌ر ده‌ستی شێخ عه‌لائه‌دینی نه‌قشبه‌ندی ته‌ریقه‌تی نه‌قشبه‌ندی وه‌رده‌گرێت و شاره‌زای ئادابی ته‌سه‌وف و ته‌ریقه‌ت ده‌بێت و بۆ ماوه‌ی حه‌وت ساڵ له‌وێ ده‌مێنێته‌وه‌. پاشان ده‌گه‌ڕێته‌وه‌ گوندی سێرێ و له‌وێ خزمه‌تی په‌یڕه‌وانی نه‌قشبه‌ندی ده‌كات.

دوای وێرانكردنی گوندی سێرێ له‌ لایه‌ن به‌عسه‌وه‌، له‌سه‌ر راسپارده‌ی شێخ عوسمانی بیاره‌، ماڵی ده‌گوازێته‌وه‌ سلێمانی و مزگه‌وتێك به‌ ناوی خانه‌قای بابه‌شێخی سیرێ درووست ده‌كات.

دوای راپه‌ڕینی 1991 روو له‌ ئێران ده‌كات و له‌ شاری بانه‌ نیشته‌جێ ده‌بێت و بۆ ماوه‌ی 10 ساڵ له‌وێ ده‌مێنێته‌وه‌.


AM:11:19:22/11/2019