بواس له‌ نێوان رۆناڵدۆ و میسی کامیان هه‌ڵده‌بژێرێت

بواس له‌ نێوان رۆناڵدۆ و میسی کامیان هه‌ڵده‌بژێرێت
مه‌وداپرێس – سه‌باح خدر 

ڤیلاس بواسی پرتوگالی و به‌ڕێوه‌به‌ری هونه‌ری یانه‌ی مارسیلیای فه‌ڕه‌نسی له‌ نێوان کریستیانو رۆناڵدۆی پرتوگالی و لیونیل میسی ئه‌رژه‌نتینی خۆی یه‌کلای ده‌کاته‌وه‌ بۆ به‌ده‌ستهێنانی تۆپی ئاڵتونی .

بواس بۆ پێگه‌ی گۆڵی جیهانی ئه‌وه‌ ده‌خاته‌ روو :که‌ به‌بۆچوونی من کریستیانو رۆناڵدۆ شایسته‌ی به‌ده‌ستهێنانی خه‌ڵاتی تۆپی ئاڵتونیه‌ .

ئه‌و راهێنه‌ره‌ پێی وایه‌ که‌ کاتێک رۆناڵدۆ له‌ یانه‌ی ریاڵ مه‌دریده‌وه‌ په‌یوه‌ندی کرد به‌ یانه‌ی یۆڤانتوسه‌وه‌ له‌یه‌که‌م وه‌رزدا توانی نازناوی خولی ئیتاڵی بۆ ئه‌و یانه‌یه‌ به‌ده‌ست بهینێت .

بواس باس له‌وه‌ش ده‌کات :که‌ میسی هه‌تا ئێستا له‌گه‌ڵ یانه‌ی به‌رشه‌لۆنه‌یه‌و په‌یوه‌ندی به‌هیچ یانه‌یه‌کی تره‌وه‌ نه‌کردوه‌ بۆ ئه‌وه‌ی وه‌کو رۆناڵدۆ ژماره‌ پێوانه‌یی تۆماربکات.

رۆژی 2/12/2019 خه‌ڵاتی تۆپی ئاڵتونی له‌شاری پاریسی پایته‌ختی فه‌ڕه‌نسا له‌لایه‌ن گۆڤاری فرانس فوتبوڵه‌وه‌ دابه‌ش ده‌کرێت .

هه‌رسێ یاریزان کریستیانو روناڵدۆ و لیونیل میسی و ڤان دایک کێبڕکێی به‌ده‌ستهێنانی ئه‌و خه‌ڵاته‌ ده‌که‌ن.



PM:01:36:30/11/2019