به‌رشه‌لۆنه‌ ده‌ستبه‌رداری سێ یاریزان ده‌بێت

به‌رشه‌لۆنه‌ ده‌ستبه‌رداری سێ یاریزان ده‌بێت
 مه‌وداپرێس – سه‌باح خدر 

یانه‌ی به‌رشه‌لۆنه‌ی ئیسپانی ده‌ستبه‌رداری سێ یاریزانی ده‌بێت له‌ وه‌رزی زستانه‌ی گواستنه‌وه‌ی یاریزاناندا.

رۆژنامه‌ی ئاسی ئیسپانی ئه‌وه‌ی ئاشکرا کردوه‌ که‌ یانه‌ که‌ته‌لۆنیه‌که‌ ده‌یه‌وێت ده‌ستبه‌رداری هه‌ریه‌ک له‌ تودیبو و کارلس ئه‌لینا و ئیڤان راکتج ده‌بێت .

هه‌مان رۆژنامه‌ باس له‌وه‌ش ده‌کات که‌ ئه‌بیداڵی به‌ڕێوه‌به‌ری یانه‌که‌ ده‌یه‌وێت به‌ شێوه‌ی خواستن یان گۆڕینه‌وه‌ تودیبو بدات به‌ یانه‌که‌ی ئه‌ویش به‌هۆی ئه‌و ئاسته‌ خراپه‌ی که‌ هه‌یه‌تی .

له‌لایه‌کی تریشه‌وه‌ رۆژنامه‌ی ئاس باس له‌وه‌ ده‌کات که‌ ئه‌بیداڵ نایه‌وێت به‌ شێوه‌یه‌کی یه‌کجاره‌کی ده‌ستبه‌رداری کارلس ئه‌لینا ببێت به‌ڵکو ده‌یه‌وێت به‌ شێوه‌ی خواستن بیدات به‌ یانه‌یه‌کی تر نزیکترین یانه‌ش یانه‌ی خیتافیه‌.

هه‌رچی ده‌رباره‌ی ئیڤان راکیتجی کرواتیشه‌ ئه‌وا یانه‌ی به‌رشه‌لۆنه‌ بڕیاری کۆتایداوه‌و ئه‌و یاریزانه‌ ده‌فرۆشێت.


PM:03:25:06/12/2019